La banca svizra EFG International surpiglia la banca privata tessinaisa BSI. Ensemen administreschan las duas bancas ina facultad da radund 170 milliardas francs. Uschia sa furma ina da las pli grondas bancas privatas da la Svizra.
Ellas hajan suttascrit ina cunvegna correspundenta, communitgeschan las duas bancas EFG International e BSI. Il pretsch da cumpra da 1,328 milliardas francs vegnia pajà en contant ed en aczias. La possessura da la BSI d'enfin qua - ina banca brasiliana - daventa uschia acziunara da la nova banca cun ina cumpart da circa 20%. Il pli grond acziunari da la banca resta dentant la EFG Group cun ina cumpart da 35%.
RR novitads 09:00