Siglir tar il cuntegn
Inhalt

Svizra Edi Huber enconuschent sco «Ganoven-Edi» è mort

L'actur e reschissur svizzer Edi Huber è mort en la vegliadetgna da 89 onns. Sco quai che la gruppa da teater Friesenberg ha communitgà saja Huber mort a Turitg suenter problems da la sanadad.

Purtret da Edi Huber.
Legenda: Edi Huber enconuschent sco «Ganoven-Edi» è mort en la vegliadetgna da 89 onns. MAD/SRF

Durant sia lunga carriera ha Edi Huber giugà tranter auter en ils tocs «Bibi Balù», «Golden Girl» u «Die kleine Niederdorfoper» sper ils acturs renumads Ruedi Walter, Margrit Rainer, Jörg Schneider u Paul Bühlmann. Huber era a blers enconuschent sco «Ganoven-Edi» perquai ch'el ha savens giugà la rolla da laders e criminals.

Tranter 1989 e 1999 na giugava Edi Huber betg pli perquai ch’el na veseva naginas pussaivladads da svilup per sai. L’onn 1999 ha el festivà al Bernhard-Theater ses comeback sin tribuna e quai cun il toc umoristic «Ine oder use».

En la vegliadetgna da 88 onns ha Edi Huber l’onn 2015 terminà sia carriera sco reschissur da la gruppa da teater Friesenberg a Turitg ord motivs da la sanadad.

RR novitads 12:00