Siglir tar il cuntegn

Header

cuntegn

Svizra Economiesuisse vul dapli economia en la politica da l'exteriur

A sia conferenza annuala a Berna ha Economiesuisse preschentà sias pretensiuns a la politica ed avertì da decisiuns nuschaivlas.

«Prioritad stoppia avair da mantegnair e promover il bainstar en noss pajais.» di Heinz Karrer, il president d'Economiesuisse. En la responsabladad vesa el en emprima lingia la politica. Quella stoppia sa stentar per che las interpresas svizras hajan access als martgads e l'exteriur. En in mund nua che adina dapli pajais emprovian da s'isolar e da proteger l'agen martgà saja quai essenzial. Ins na dastgia betg emblidar che la Svizra genereschia da quai da 40% da la valur agiuntada brutta en il commerzi cun l'exteriur.

Decisiuns impurtantas il 2018

Ultra da quai avertescha Economiesuisse da pliras iniziativas che pericliteschian il model da success da la Svizra. Per exempel l'iniziativa da la PPS che vul che la Constituziun haja adina precedenza al dretg internaziunal. Quell'iniziativa na pericliteschia betg mo las cunvegnas da commerzi liber, mabain la fin finala era ils contracts bilaterals cun l'UE.

RR novitads 12:00

Artitgels legids il pli savens