«Economia verda» saja tissi per interpresas pitschnas u mesaunas

L'iniziativa dal pievel per in'economia verda saja nunnecessaria e nuschaivla. Quai tenor l'uniun svizra d'artisanadi e mastergn.

Satgs da rument amez la citad da Berna.

Legenda da maletgs: Tenor l’uniun svizra d’artisanadi e mastergn è la Svizra gia fitg verda. Keystone

Il project haja cunzunt per consequenza blera birocrazia e pericliteschia millis da fatschentas pitschnas u mesaunas e plazzas da lavur. Ultra da quai saja l'economia svizra gia fitg verda.

L'iniziativa pretenda che la Svizra reducescha la polluziun da l'ambient sin in nivel global acceptabel. Il project va en votaziun ils 25 da settember 2016.

RR novitads 12:00