Siglir tar il cuntegn

Svizra Economia verda munta per ils adversaris dictatura verda

Quai è l’avis dals adversaris da l’iniziativa verda. Els han admonì ad ina conferenza da medias che l’economia verda faschess donn a l’economia svizra ed avess consequenzas radicalas sin la vita da mintga di.

Ils placats cunter l'iniziativa verda.
Legenda: Las partidas burgaisas furman ils adversaris da l'economia verda. Keystone

I na saja nagina surpraisa che l'iniziativa giaudia ina gronda simpatia. Quai saja pervi da ses num, ha ditg il cusseglier naziunal dals liberals Benoît Genecand (GE). Ma sche las consequenzas vegnias conscientas a la populaziun alura vegnia il consentiment a sa reducir. Perquai che l’iniziativa smanatschia il bainstar dal pajais.

Reducir l’impronta ecologica

L’iniziativa per ina economia verda pretenda che la Svizra reduceschia la polluziun da l’ambient sin in nivel acceptabel. Uschia duai l’impronta ecologica vegnir reducida fin il 2050 sin ina terra. Oz dovria la Svizra uschè bleras resursas ch'ins duvrass trais terras sche tuts faschessan uschia

RR novitads 14:00