Economia svizra: BIP stagnescha

L'economia svizra è praticamain stagnada l'emprim quartal 2016. Il product naziunal brut BIP è creschì per 0,1%. Quai ha communitgà il Secretariat da stadi per l’economia SECO.

Persunas che fan cumpras.

Legenda da maletgs: Il consum privat ha rinforà il BIP l'emprim quartal da quest onn. Keystone

En cumparegliaziun cun il medem quartal da l'onn passà è il BIP creschì per 0,7%. Quest cumparegl è dentant mo in zic relevant, damai ch'il curs minimal da l'euro è vegnì abolì l'emprim quartal dal 2015.

Rinforzà il BIP ha il consum privat, quai cunzunt la spartas sanadad, abitar ed energia, entant che Svizras e Svizzers han impundì damain per vestgadira e chalzers. Las expensas dal stadi èn sa reducidas, uschia il SECO vinavant.

RR novitads 09:00