Economia: SECO auza prognosas in zic – firmas exportan dapli

Ils economs augmentan levet lur prognosas da creschientscha per l’onn current sin 1,5%. Firmas svizras han exportà 7% dapli l'avust.

Containers.

Legenda da maletgs: La Svizra exportescha puspè dapli. Keystone

L'economia svizra ha tenor ils experts da la Confederaziun puspè fitgà pe. Cunzunt il commerzi cun l’exteriur contribueschia a quest trend. Ils experts quintan plinavant che l’economia sa revegnia a moda moderada en la zona da l’euro ed il rest dal mund.

Sut questas circumstanzas saja da quintar cun impuls positivs dal commerzi cun l'exteriur. Per il 2017 spetgan els vinavant cun in augment da 1,8%. Quai communitgescha il Secretariat da stadi per l’economia SECO.

Exportà dapli l'avust

Il mais passà han interpresas svizras exportà 7% dapli cumpareglià cun la medema perioda da l'onn avant. Cumpareglià cun il fanadaur èn ils exports dentant sa reducids per 0,8%.

Cumpareglià cun la medema perioda da l'onn passà èn ils imports s'augmentads l'avust 2016 per 8,4%. Quai communitgescha l'Administraziun federala da duana.

La raschun principala per la creschientscha èn danovamain stad products chemics farmazeutics.

RR novitads 08:00