Siglir tar il cuntegn

Header

cuntegn

Svizra Eclat tar Aryzta: Trais directurs dattan la demissiun

Il schef da concern, il schef da finanzas ed in schef da fatschenta vegnan a remetter lur uffezis sin fin da fanadur. Para ha il president dal cussegl d'administraziun tratg las consequenzas da las difficultads dal concern.

Tge è la Aryzta SA?

Avrir la box Serrar la box

L’Aryzta è in concern svizzer che lavura internaziunalmain. El producescha pastizaria ed auters products pre-elavurads e schelentads. L’interpresa è naschida il 2008 dad ina fusiun da la Hiestand Holding SA e l’interpraisa irlandaisa IAWS Group plc. Cun ina svieuta da 3,8 milliardas e 8’000 collavuraturs è ella a la testa da la branscha en il mund.

Il concern da pastizarias Aryzta na vegn betg a ruaus. Avant trais emnas ha il concern svizzer-irlandais communitgà in avertiment da gudogn ed ussa sa retira la direcziun.

Il schef da concern Owen Killian, il schef da finanzas Patrick McEniff ed il schef da la fatschenta en l'America John Yamin vegnan a remetter lur uffizis sin la fin da fanadur, quai communitgescha Aryzta. Sur in headhunter tschertgia ins ussa remplazzants.

Sco i para ha il president dal cussegl d'administraziun Gary McGann tratg las consequenzas da las difficultads dal concern en spezial en il martgà nordamerican.

RR novitads 11:00+

Artitgels legids il pli savens