Siglir tar il cuntegn
Inhalt

Svizra E tuttina cunvegnas tranter Svizra e PLO

Quai respunda il schurnalist da la NZZ sin ils resultads da la gruppa dad examinaziun correpundenta dal Cussegl federal.il Cussegl federal aveva comunitgà, che quella n'haja chattà nagins indecis concrets per pussaivlas cunvegnas secretas tranter la Svizra e l’organisaziun palestinaisa PLO.

Farrouk Kaddami (PLO) e Cusseglier federal Pierre Aubert.
Legenda: Farrouk Kaddami (PLO) e Cusseglier federal Pierre Aubert - els èn tenor ils rapports da la NZZ las persunas clav per ina cunvegna secreta da la Svizra cun la PLO. Keystone

Il schurnalist ed autur Markus Gyr da la NZZ è dentant anc adina da l’avis, che sias retschertgas èn correctas: «Pervi da mias funtaunas fundadas sin basa largia mantegn jau da princip mia tesa», respunda el ina dumonda da l’agentura da novitads sda.

Uschia vegna el ad adattar per exempel il termin exact, nua che Farouk Kaddoumi saja stat a Genevra. La haja il um dal cader da la PLO fatg la cunvegna secreta cun il minister svizzer da l’exteriur da quella giada, Pierre Graber. Uschia duai la Svizra esser vegnida schanegiada tras attatgas da terror da la PLO, e sco cuntramesira duai ella avair sustegni la gruppaziun palestinaisa.

Ils indecis eran vegnids publics tras in rapport da la gasetta NZZ che aveva publitgà las colliaziuns probablas tranter la PLO e la Confederaziun.

RR novitads 12:00