Suenter il Cussegl naziunal ha era la cumissiun per dumondas giuridicas dal Cussegl dals chantuns approvà ina tala moziun. La cumissiun è da l'avis che la persecuziun penala sa megliereschia uschia.
Ozendi na dastgan ils investigaders betg analisar parts dal DNA per survegnir infurmaziuns. Tenor lescha èsi mo pussaivel da cumparegliar la DNA da persunas suspectadas cun fastizs al lieu dal delict. Questas regalas aveva il parlament decis il 2003.
RR novitads 16:00