Siglir tar il cuntegn

Header

Navigaziun

Mangiativas.
Legenda: I dat bain acziuns per sensibilisar ed iniziativas privatas; tuttina resultan grondas perditas da mangiativas. Keystone
cuntegn

Svizra Duvrar enstagl da brischar mangiativas

La cumissiun da la scienza dal cussegl dals chantuns vul cumbatter il sfarlattim da mangiativas: Ella ha approvà in'iniziativa parlamentara ed è uschia suandada a la cumissiun da la scienza dal cussegl naziunal.

L’iniziativa è vegnida lantschada da la cussegliera naziunala Isabelle Chevalley (PVL, Vad) e propona da u scumandar da brischar mangiativas u da fixar limitas liantas.

Mintg'onn brischain nus 100'000 tonnas mangiativas

Mintg'onn vegnian passa 100’000 tonnas mangiativas brischadas en Svizra, scriva Chevalley en lur iniziativa. Quai na saja ni ecologicamain ni economicamain giustificabel.

Reparter u reutilisar las mangiativas

Tenor l’idea da la cussegliera naziunala duajan restanzas da mangiativas vegnir repartidas a persunas u vegnir duvradas per producir pavel d’animals. Er la producziun da biogas e da terra da cumpost menziunescha ella.

Uss po la cumissiun dal cussegl naziunal elavurar propostas per adattar la lescha.

RR novitads 07:00