Siglir tar il cuntegn

Header

cuntegn

Svizra Duvrà 1,5 % dapli energia en Svizra

L'aura fraida ed ils dis da chalira da l'onn 2015 han fatg currer l'electricitad. Malgrà ch'il diever d'energia è s'augmentà per 1,5% è quai il segund bass consum d'energia dals ultims 18 onns.

L'Uffizi federal per energia scriva che questas cifras sajan cunzunt d'attribuir a l'aura in pau pli fraida che haja gì sco consequenza ch'ins haja stuì stgaudar dapli - ed als pli blers dis da chalira, nua ch'ins ha duvrà la climatisaziun.

Plinavant effectueschia era il creschament da la populaziun e da l'economia in diever d'electricitad pli aut.

Duvrà dapli ieli e gas natiral

Dasper l'electricitad han ils Svizzers e las Svizras duvrà dapli ieli e gas natiral. Il consum dad ieli per stgaudar è creschì levamain per 5,6% ed il consum da gas natiral per 5,4%.

Damain carburant

En cumparegl cun l'onn avant è il consum da carburant sa sbassà per 2,6%. Ins haja duvrà 1,4% damain Diesel e 7,3% damain benzin. Qua vesa l'Uffizi federal per energia sco raschun il curs da stgomi da l'euro ch'è sa sbassà dapi il schaner 2015. Uschia han bleras persunas da l'exteriur gì nagin motiv pli da vegnir en Svizra per tancar benzin ed ils Svizzers n'èn betg ids en l'exteriur per Diesel.

RR novitads 12:00

Artitgels legids il pli savens