Siglir tar il cuntegn
Inhalt

Svizra Duscha fraida per la Fundaziun Greina

En connex cun il referendum cunter la lescha d'energia ha il Tribunal federal refusà in recurs da dus commembers da la Fundaziun svizra da la Greina cunter il referendum. El na vesa nagin effect suspensiv. Il Tribunal argumentescha cun l'interess public da far la votaziun e la blera lavur gia fatga.

Ils placats.
Legenda: Propaganda cun cifras faussas – Quai era la rinfatscha da la fundaziun Greina al comitè da referendum (qua a la conferenza da medias) encunter la lescha d'energia. Keystone

Fatg il recurs avevan il president ed il manader da fatschenta da la Fundaziun da la Greina - Reto Wehrli e Gallus Cadonau. Els crititgeschan, ch’il comité da referendum encunter la lescha dovria cifras faussas.

Fundaziun Greina: 40 francs per famiglia, betg 3'200

Sin il fegl per ramassar suttascripziuns stat, che la lescha nova d’energia mainia in augment da custs da 3’200 francs per famiglia. Quai saja vegnì scrit, malgrà che l'Uffizi federal d'energia (UFE) haja confermà repetidamain ch’i dettia mo custs da 40 francs en pli.

Votaziun davart l'emprim pachet da la strategia d'energia 2050 è fixa

Il suveran decida ils 21 da matg davart l’emprim pachet da mesiras da la strategia d’energia 2050. Il Cussegl federal ed il parlament vulan sbassar il consum d’energia, augmentar l’effizienza d’energia e promover pli fitg las energias regenerablas.

RR novitads 12:00