Dus umens talians da 20 e 24 onns sajan morts da grevas blessuras, suenter ch'ins aveva chattà els. Quai scriva la Polizia chantunala vallesana. In terz skiunz da turas saja mitschà senza blessuras.
La lavina da 300 meters ladezza era sa distatgada da mezdi en ils culms sur Brig. En quest mument sa chattavan ils 3 skiunzs en il territori suten. In’ulteriura gruppa ch’era datiers ha chattà las 3 persunas gia avant che la colonna da salvament è arrivada.
RR Novitads 18:00