Siglir tar il cuntegn
Inhalt

Svizra Dus hotels grischuns tranter ils pli curtaschaivels da la Svizra

Per la tschintgavla giada ha Svizra Turissem onurà ils tschintg hotels svizzers ils pli curtaschaivels. Dus dad els èn grischuns.

Il hotel Suvretta House a San Murezzan.
Legenda: En la categoria dals hotels da luxus va il Prix Bienvenu al Hotel Suvretta House a San Murezzan. Keystone

En la categoria dals hotels da luxus va il Suvretta House da San Murezzan cun la plima e tar ils hotels da vacanzas pli gronds la Chasa Montana Hotel e Spa a Samignun. L'uschenumnà Prix Bienvenu survegnan quests manaschis che persvadan il pli fitg puncto amiavladad en valitaziuns che giasts fan online sco er suenter visitas da la giuria.

Il premi en la categoria dals hotels pitschens fin 40 chombras va en il chantun Vallais al Hotel Gädi a Grenchen. Tar ils hotels da citad fin quatter stailas va l'Hotel Uzwil en il Son Gagl cun la plima ed en la categoria da tschintg stailas en la citad l'hotel Four Seasons Hotel Des Bergues a Genevra.

RR novitads 23:00