Siglir tar il cuntegn

Svizra Dunnas na vegnan betg discriminadas tar las pajas

Las differenzas da paja tranter um e dunna na sajan nagina discriminaziun. Che la paja media d'ina dunna è bunamain 20% sut la paja media dals umens haja da far cun decisiuns individualas pertutgant carriera e professiun. Quai scriva Avenir Suisse en ina nova publicaziun.

Ina dunna protestescha cunter la discriminaziun da paja.
Legenda: Cunzunt ils sindicats protesteschan adina puspè cunter la discriminaziun da paja tranter um e dunna. Keystone

La fabrica da reflexiun Avenir Suisse numna tranter auter sco in dals motivs che las dunnas lavuran pli savens parzialmain. Dapi 30 onns creschian las pajas tar las dunnas pli spert. Per l'ultima miglia da l'egualisaziun dovria dentant ina politica ch' impedeschia pli pauc la cumpatibilitad da professiun e famiglia scriva Avenir Suisse.

RR novitads 11:30