Dumping da paja en il Vallais

Il sindicat Unia ha fermà las lavurs vid d’ina punt da la Viafier federala a Massongex en il chantun Vallais. A plirs lavurers da buglir saja quai vegnì pajà memia bassa pajas.

Ina bandiera da l'Unia avant la punt en construcziun.

Legenda da maletgs: Oz a bunura ha l'Unia fermà las lavurs vid la punt da viafier. Keystone

Sco il sindicat Unia communitgescha supponia ella dumping da paja. Ina part da las lavurs da buglir sajan vegnidas surdadas ad ina firma secundara da la Slovenia, e quella na paja betg las pajas minimalas, communitgescha l’Unia. Questa interpresa haja pajà a ses 10 bugliders sulet 11 fin 13 francs l'ura. La paja minimala fiss dentant 25 francs l'ura. Cun l'acziun da protest pretendan ils lavurers ch'i vegn pajà suenter la paja.

RR novitads 11:00