Siglir tar il cuntegn

Svizra Dumber da dumondas d’asil resta l’avust stabil sin in nivel bass

Il mais d’avust han 1690 persunas dumandà asil en Svizra. Quai èn cumpareglià cun l’avust 2016 quasi in terz pli paucas dumondas d’asil.

Permiss d'asil
Legenda: Las dumondas d'asil èn er sa reducidas l'avust 2017. Keystone

Cumpareglià cun las dumondas d’asil dal fanadur è il dumber restà stabil. Quatter dumondas dapli aveva quai anc dà il fanadur, scriva il secretariat statal per migraziun.

Reducziun da dumondas d’asil ord l’Eritrea

In minus da 62 dumondas d’asil haja quai dà l’avust cumpareglià cun il fanadur tar persunas ord l’Eritrea. Tuttina saja l’Eritrea anc adina a la testa da la rangaziun cun en tut 260 dumondas d’asil. Suenter suondan la Siria (125 dumondas d’asil), la Solia (118 dumondas), igl Afghanistan (102 dumondas), la Tirchia (91 dumondas) e Sri Lanka (85 dumondas).

RR novitads 16:00