Siglir tar il cuntegn
Inhalt

Svizra Dumber da concurs sa dublegià en il Grischun

Quai ils emprims 3 mais da quest onn cumpareglià cun avant in onn. Però è er il dumber dad inscripziun en il register da commerzi s'augmentà. Quai scriva il servetsch d'infurmaziun Bisnode.

Konkursamt
Legenda: Puspè dapli concurs tant en il Grischun sco er en l'entira Svizra l'emprim quartal 2016. Keystone

En il Grischun è il dumber da las firmas ch'han fatg concurs creschì l’emprim quartal da quest onn per bunamain il dubel da 22 sin 43. Quai cumpareglià cun il medem temp da l'onn avant.

En l'entira Svizra è il dumber dals concurs s'augmentà per 2% sin 1’151 durant questa perioda. Quai communitgescha il servetsch d’infurmaziun Bisnode. Pervi da la situaziun economicamain difficila eran gia il 2015 ils concurs s’augmentads per 7%.

La pli gronda ristga da far concurs datti tenor Bisnode en la branscha da construcziun. Qua saja la probabilitad 2,8 giadas pli auta ch’èn las ulteriuras branschas. I suonda la gastronomia cun 2,3.

Dapli firmas novas

L'emprim quartal 2015 èn 234 firmas vegnidas fundadas en il Grischun. Quai è in plus da 21% cumpareglià cun il medem temp da l'onn avant. En l'entira Svizra en vegnidas fundadas 10'365. Quai è 1% dapli che anc avant in onn.

RR novitads 10:00