Siglir tar il cuntegn
Inhalt

Svizra Duas dunnas moran tar accident a La Neuveville

Al Lai da Bienna èn vegnidas per la vita duas dunnas. Tenor la procura publica bernaisa sajan las dunnas sco i para crudadas en l'aua tar la vischnanca da La Neuveville. I vegn sminà che l'accident stat en connex cun ina installaziun electrica problematica al port da la vischnanca.

vista sin la citad da La Neuveville
Legenda: Al port da La Neuveville hai dà in accident mortal. Keystone

Ensemen cun las dunnas è era vegnì per la vita in tgaun en consequenza da l'accident. La polizia è vegnida alarmada las 11:20. Cura ch'ella è arrivada en il lieu da l'accident avevan passants tratg ord l'aua ina da las duas dunnas, ina dunna da 24 onns. Ella è morta pli tard en l'ospital. La segunda dunna ha mo pli pudì vegnir salvada morta ord il lai.

La polizia e la procura publica examineschan il cas.

RR novitads 18:00