Siglir tar il cuntegn

Header

audio
Tge tests datti tut? Guid tras la «dschungla da tests»
Or da Actualitad dals 07.04.2021.
laschar ir. Durada: 04:05 minutas.
cuntegn

Dschungla da tests Tge test per tgi e cura? – ina survista

I dat adina dapli pussaivladads da far tests da corona. A partir dals 7 d'avrigl pon ins era far tests svelts a chasa. Nus declerain las differenzas.

La differenza tranter in test da PCR ed il test svelt è ch'ils tests da PCR vegnan evaluads en in labor. Ils tests svelts percunter pon ins far en apotecas, da nov er a chasa. Qua la survista dals tests:

PCR test (nas e gula ubain spida)

  • Nua: labor
  • Per tgi: persunas cun sintoms, persunas da risico
  • Tgi fa il test: persunas dal fatg
  • Segirezza: fitg aut
  • Custs: Ils custs vegnan surpigliads en cas da sintoms, annunzia entras la app da Covid, persunas da ristg en instiuziuns e tar prescripziun da medi ubain autoritads. Per l'intent da far in viadi vegnan ils custs betg surpigliads.

Test da spida (PCR)

  • Nua: labor
  • Per tgi: p.ex. scolas ubain firmas
  • Tgi fa il test: mintgina e mintgin sez
  • Segirezza: aut
  • Custs: surpigliads sch'il chantun ordinescha seria da tests

Tests svelts d'antigens (nas e gula)

  • Nua: p.ex. en l'apoteca
  • Per tgi: p.ex. persunas cun sintoms en il conturn da persunas da ristg, tests repetitivs
  • Tgi fa ils tests: persunas dal fatg
  • Segirezza: auta
  • Custs: vegnan surpigliads

Tests svelts d'antigens

  • Nua: p.ex. en l'apoteca
  • Per tgi: per tuts, p.ex. avant in inscunter da famiglia, visita en chasa d'attempads etc.
  • Tgi fa il test: persunas dal fatg
  • Segirezza: auta en cas da sintoms, pli bassa senza sintoms
  • Custs: vegnan surpigliads

Autotests per a chasa (a partir dals 7 d'avrigl)

  • Nua: a chasa
  • Per tgi: per mintgin p.ex. avant in inscunter da famiglia
  • Tgi fa il test: mintgina e mintgin sez
  • Segirezza: auta en cas da sintoms, pli bassa senza sintoms
  • Custs: planisà da surpigliar ils custs per tschintg tests il mais per persuna

RTR actualitad 07:00

Artitgels legids il pli savens

Scrollar a sanestra Scrollar a dretga