La cussegliera federala Karin Keller-Sutter preferescha da betg prender enavos cumbattants dschihadistics e giavischass ch'i vegniss fatg il process a quels en il lieu. Quai ha la ministra da giustia ditg al radio da la Svizra franzosa RTS. Prioritad haja per ella la segirezza da la populaziun svizra e da las forzas da segirtad. Questa segirezza pudess esser periclitada cun repatriar tals cumbattants, uschia Keller-Sutter. Vitiers sajan ils process avant dretgira nua ch'i giaja per delicts commess en la guerra cumplitgads. Tenor il servetsch d'infurmaziun da la Confederaziun sa tracti da cas singuls.
RR novitads 12:00