Ils derschaders èn da l'avis ch'ins na possia betg renfatschar a 14 anteriurs managers da l'interpresa da traffic aviatica Swissair d'avair violà lur obligaziuns. Il plant che prevesa in'indemnisaziun da 280 milliuns francs n'è damai betg valaivel.
Il plant era vegnì fatg dals liquidaturs da la Swissair. Quels han renfatschà als responsabels d'avair administrà lur activas a moda che na correspunda betg a lur obligaziuns. Uschia sajan els responsabels che tschertas pretensiuns d'emprests da daners sajan scrudadas.
Cas pudess vegnir avant Tribunal federal
La sentenzia n'ha dentant anc nagina vigur legala e po vegnir tratg vinavant al Tribunal federal.
RR novitads 14:00