Siglir tar il cuntegn
Inhalt

Svizra Dretgira protegia pazients ch'han betg pajà las premias

Tenor il Tribunal federal d'assicuranzas sto la cassa da malsauns surpigliar ils custs d'ina pagliola er sche la dunna è gia sin la glista naira da la cassa.

Il venter d'ina dunna en speranza.
Legenda: Tenor il Tribunal federal d'assicuranzas sto la cassa da malsauns surpigliar ils custs d'ina pagliola er sche la dunna è gia sin la glista naira da la cassa. Keystone

Per l'emprima giada ha ina dretgira svizra decidì, cura ch'assicurads han dabun in tractament d'urgenza - era sch'els èn sin la glista naira da quels che n'an betg pajà lur premias da la cassa da malsauns . Tenor il Tribunal federal d'assicuranzas a Son Gagl vala sco tractament d'urgenza gia, sche medis han l'obligaziun da prestar agid. Il pazient na sto betg exnum esser en privel da vita. Quai scriva la «Sonntagszeitung».

En il cas concret stuess la cassa da malsauns uss pajar la pagliola d'ina dunna ch'è sin la glista naira. La cassa po dentant anc ir avant il Tribunal federal.

Pazient da Cuira n'aveva betg survegnì medicaments

Avant in'emna aveva er la «Sonntagszeitung» scuvrì il cas d'in pazient da Cuira ch'è mort la fin dal 2017 da SIDA. Perquai ch'el n'aveva betg pajà las premias da la cassa da malsauns, era el vegnì sin la glista naira da la ÖKK. Quella aveva pliras giadas refusà da surpigliar ils custs per ils medicaments cunter HIV – e quai cun l'argumentaziun ch'il pazient na saja betg acut en privel da vita.

RR novitads 10:00