Perquai ch'ella duai avair gidà almain 24 migrants da vegnir illegal da l'Italia en Svizra, ha la dretgira penala a Bellinzona sentenzià ina deputada
dal Cussegl grond tessinais ad in chasti cundiziunà dad 80 schurnadas à 110 francs. Latiers vegn ina multa da 1'000 francs. Ils derschaders han renconuschì l'intenziun umanitara da l'accusada. Sco deputada haja ella dentant savì che quai saja illegal.
La politicra ha annunzià da vulair far recurs. Plinavant ha ella accentuà ch'ella na vegnia betg a sa retrair, uscheditg che la sentenzia n'haja betg vigur legala.
RR novitads 16:00