Dretgira na vul betg persequitar tesa da suicidi

La Dretgira chantunala dal Vallais ha refusà in recurs da confamigliars da las unfrendas da l'accident da bus a Sierre dal mars 2012.

Bus destruì en in tunnel, persunas da salvament èn enturn il bus. Sper il bus è in’ambulanza.

Legenda da maletgs: Archiv: Il bus era collidà frontal cun la paraid dal tunnel. Keystone

La Dretgira na vul betg persequitar enavant la tesa d'in suicidi eventual dal chauffeur da bus. Questa tesa na possia er betg manar ad ina sentenzia perquai ch'il chauffeur saja medemamain mort durant l'accident. La dretgira na vul er betg reconstruir l'accident, er quai era vegnì pretendì d'ina gruppa da geniturs.

Accident da bus

Avant trais onns era in bus da la Belgia siglì en la paraid d'in tunnel datiers da Sierre. 28 persunas eran mortas, tranter quellas 22 uffants ch’eran sin viadi a chasa d’in camp da skis.

RR novitads 11:00