Siglir tar il cuntegn

Svizra Dretg da tgira d'uffant unic duai esser l'excepziun

Geniturs betg maridads u separads duain avair cuminaivlamain il dretg da tgira da lur uffant. E quai vala era sch'ils geniturs han in conflict che pudess s'agravar ha decidì il Tribunal federal. En il cas concret ha ina matta da 9 onns vivì dapi sia naschientscha tar la mamma.

babs e mammas ed uffants
Legenda: Babs e mammas ston far tut lur pussaivel per in bun svilup da lur uffants. Keystone

La mamma ha infurmà il bab ch'ella mondia cun la figlia en il Katar. E las autoritads han lubì quai, han dentant refusà in dretg da tgira unic. Il Tribunal federal va d'accord cun questa decisiun, in conflict pussaivel na tanschia betg per survegnir il dretg da tgira unic.

Dapi l'emprim da fanadur 2014 vala en Svizra il dretg da tgira dals uffants per ils geniturs. Lezs han quest dretg da tgira cuminaivlamain ed independent da lur stadi civil. Geniturs hajan d'execuir lur dretgs ed obligaziuns per il bainstar da l'uffant, uschia scriva il Tribunal federal. Ils geniturs hajan da far tut il pussaivel che saja necessari per in bun svilup da lur uffant.

RR novitads 14:00