Siglir tar il cuntegn

Header

KKL Lucerna durant la notg
Legenda: Durant direger in concert è il dirigent Israel Yinon dà ensemen e mort en il KKL a Lucerna. Keystone
cuntegn

Svizra Drama al KKL

Durant in concert da gievgia saira è mort il dirigent Israel Yinon. Il musicist da 59 onns è dà ensemen durant la producziun ed è mort malgrà l'agid immediat da medis.

Marc Reinhardt, il manader da communicaziun da la Scol'auta Lucerna che ha organisà il concert, ha confermà plirs rapports da medias.

Yinon era vid direger la sinfonia da las Alps da Richard Strauss cun l'orchester Filarmonia giuvna da la Svizra centrala. In'ovra da radund 50 minutas. Suenter circa la mesadad da la producziun, cura che l'ovra da Strauss ha descrit l'ascensiun d'in viagiatur sin las Alps, è l'ovra vegnida disturbada dals sbratgs da plirs musicists da l'orchester, quai scriva la Neue Luzerner Zeitung sin sia pagina d'internet.

(RR novitads a las 8:00)