Siglir tar il cuntegn

Svizra Doris Leuthard sin visita a Paris

La presidenta da la confederaziun s’ha inscuntra cun il president da la Frantscha Emmanuel Macron en il Palais de l'Élysée a Paris. Tenor Leuthard saja l’inscunter in signal positiv per las relaziun tranter la Frantscha e la Svizra.

Emmanuel Macron e Doris Leuthard curt avant lur discurs.
Legenda: Emmanuel Macron e Doris Leuthard curt avant lur discurs. Keystone

I e il emprim contact persunal tranter la presidenta ed il president. L’inscunter ha lieu mo radund 2 mais suenter l’elecziun dad Emmanuel Macron sco nov president da la Frantscha. Uschè baud na e la svizra anc mai vegnida envidada a Paris. Quai saja in segn che las relaziuns tranter ils dus pajas èn oz pli bunas sco en ils ultims onns.

Sche i va bain a la Frantscha va quai era bain cun la Svizra
Autur: Doris LeuthardPresidenta da la Confederaziun

Discutà sajan vegnids ina pluna temas, dentant focus era la politica svizra en connex cul ‘Uniun europeica. Era ha Emmanuel Macron ha lodà il svilup da la Svizra en il sectur da taglia. Ils auter temas ch’en vegnids tractads èn la politica dal clima, il cumbat encunter il terrorissem, l’engaschament da la Svizra en l’Ucraina, la situaziun en l’orient proxim ed en la regiun dal golf sco era la protecziun dals bains culturals internaziunals.

Suenter l’inscunter cun Emmanuel Macron ha la directura dal departament federal per ambient, traffic, energia e communicaziun anc gi in discurs cun il prim minister da la frantscha Edouard Philippe.

Oriundamain era planisà l’inscunter tranter la Frantscha e la Svizra per ils 3 da fanadur. Ord motivs da collisiuns da termins è l’inscunter alura vegni spustà sin ils 18-7-2017.

Colliaziun tranter la Frantscha e la Svizra

En nagin auter pajais vivan dapli svizras e svizzers a l’exteriur sco en Frantscha (200 000) e cuntrari il medem. Nagliur auter ordvart la Frantscha vivan uschè bleras franzosas e franzos sco en Svizra (180’000). Tiers vegnan anc 170’000 franzosas e franzos ch’en cunfinaris e penduleschan mintga di tranter la Frantscha e la Svizra per la lavur.

Tweet dal pledader André Simonazzi

RR novitads 15:00