Siglir tar il cuntegn
Inhalt

Svizra Doris Fiala daventa presidenta da las dunnas da la PLD

Ella è vegnida elegida sco spetgà da la radunanza generala sco successura da Carmen Walker Späh.

Purtret da Doris Fiala durant in pled en il parlament.
Legenda: Doris Fiala ha gia plans fitg concrets per ses temp sco presidenta. Keystone

La cussegliera naziunala dal chantun Turitg Doris Fiala è vegnida elegida sco nova presidenta da las dunnas da la partida liberaldemocratica. El succeda a Carmen Walker Späh. Fiala è dapi il 2007 cussegliera naziunala ella ha 60 onns ed è possessura d’in biro da PR e mamma da trais uffants. Ella è vicepresidenta da la cumissiun da gestiun e commembra da la delegaziun parlamentara en il Cussegl d’Europa.

Sche jau m'engasch per insatge, lura hai num per mai: impundaziun cumpletta – L'unic mussament per l'abilitad d'ins sezs è il far.
Autur: Doris FialaPresidenta da las dunnas da la PLD

Radund 245'000 dunnas en Svizra dettian tenor in studi en da vulair lavurar u d'augmentar lur pensum parzial. Ma quellas sappian anc betg mussar lur potenzial damai ch'i saja anc adina betg evident da cumbinar la lavur e la famiglia en tscherts chantuns. Qua vul Fiala cumenzar. D'optimar la pussaivladad da cumbinar famiglia e professiun saja ina sfida economica centrala.

RR novitads 15:00