La vischnanca da Comorino en il chantun Tessin pretenda da controllar meglier la populaziun da tschiervs. Il dumber da tschiervs en il Tessin saja s'augmentà ils ultims onns ed ils donns sajan considerabels.
Ils tschiervs hajan tranter auter donnegià uschè bleras plantas d'in guaud da chastagners, en il qual Conferderaziun, chantun e vischnanca avevan investì 9 milliuns francs, ch'i na saja betg da pensar ad in diever commerzial da quest guaud. Als tschiervs manchian ils inimis natirals sco luf ubain luf-tscherver.
