Siglir tar il cuntegn
Inhalt

Svizra Disposiziun d'armas en Svizra vegn pli severa

Il Cussegl federal vul surpigliar las disposiziuns pli severas da l’Uniun europeica davart las armas. Sco el scriva en ina communicaziun stoppia la Svizra far quai sco pajais dal spazi Schengen.

um cun schluppet da l'armada en maun
Legenda: Tenor il Cussegl federal èsi er pussaivel cun las novas reglas da salvar il schluppet suenter la fin dal servetsch militar - sut tschertas cundiziuns. Keystone

Ils militars dastgan era en l’avegnir surpigliar il schluppet d’armada suenter la fin dal servetsch. Quai sut tschertas cundiziuns.

Il Cussegl federal suttastritga en sia communicaziun ch’el prendia resguard sin las spezialitads svizras - cur ch’el surpiglia las leschas da l’UE. Reglamentaziuns d’excepziun sajan gia vegnidas tractadas.

Tregants vulan sajettar giu disposiziuns pli severas

Or da las retschas dals tregants en il parlament datti ina ferma opposiziun cunter il dretg pli sever da l’UE davart las armas. Quai che disturba ils tregants èn cunzunt las prescripziuns pertutgant la grondezza dals magasins da las buis.

Il dretg da l'UE limitescha quellas (tar buis sin maximalmain 10 sajets - la buis da l'armada Svizra cumpiglia normalmain in magasin da 20 sajets). Excepziuns lubidas datti be sch'ins è sco tregant commember d'ina societad da tir e trenescha regularmain per ina disciplina renconuschida. Senza lubientscha speziala n'è tant la buis sco il magasin betg lubì.

Sch’i dat in referendum cunter quai e sch’il suveran svizzer avess da dir NA a las reglas da l’UE, ristga la Svizra da vegnir exclusa dal spazi Schengen.

RR novitads 12:00