Dispita tranter UBS e Frantscha s’intensivescha

La dispita da taglia tranter la banca gronda UBS e las autoritads franzosas s'intensivescha. Cunter la filiala franzosa da la banca svizra saja ussa uffizialmain vegnì avert ina procedura penala, communitgescha l’UBS.

Banca UBS

Legenda da maletgs: Dispita da taglia Investigaziuns cunter la filiala franzosa da l'UBS. Keystone

Ultra da quai hajan las autoritads pretendì ina cauziun da passa 40 milliuns euros. A la filiala franzosa vegn rinfatschà d'avair gidà clients da zuppentar daners da la taglia.

Las inquisiziuns marschan gia dapi 3 onns. Enfin ussa n'èsi però betg vegnì investigà formalmain cunter la banca. L'UBS ha annunzià da sa dustar cunter las decisiuns dals investigaders. La banca haja cooperà dapertut cun ils investigaders e valiteschia la cauziun sco chasti.

RR novitads 11:00