Siglir tar il cuntegn
Inhalt

Svizra Dispita da taglia cun Stadis Unids prest a fin

En la dispita da taglia tranter bancas svizras e la giustia dals Stadis Unids da l'America datti segns da progress.

Eveline Widmer-Schlumpf
Legenda: Tenor Eveline Widmer-Schlumpf insistia la Svizra che las bancas vegnian tractadas fair e betg mender che las bancas dad auters pajais. Keystone

La ministra da finanzas federala Eveline Widmer-Schlumpf ha ditg ch'ella haja survegnì signals da la regenza americana ch'i dettia anc quest onn schliaziuns per las bancas. In inscunter da Widmer-Schlumpf ed il secretari statal Jaques de Watteville cun collavuraturs dal ministeri da giustia american a Washington saja stà fitg constructiv.

Bancas duajan reglar sez lur problems

Widmer-Schlumpf ha era menziunà ch'il stadi svizzer na gioghia nagina rolla activa pli en la dispita tranter las bancas e la giustia americana. Il parlament haja decidì che las bancas duajan reglar sez lur problems cun las autoritads americanas. La Svizra guardia dentant che ses instituts da finanzas vegnian tractadas fair e betg pli nausch che las bancas dad auters pajais, ha ditg la ministra da finanzas.

RR novitads 9:00