Siglir tar il cuntegn

Header

Navigaziun

In'arma da militar sin ina maisa
Legenda: Betg mintga schuldà svizzer che dat giu si’arma ha prestà ils dis da servetsch previs. Keystone
cuntegn

Svizra Dis da servetsch militar betg prestads duain custar

Tgi che n’ha betg adempli tut ils dis da servetsch militar cura ch’el vegn relaschà or dal militar, duai pajar en il futur. Il Cussegl federal ha mess en consultaziun questa ed ulteriuras midadas che pertutgan la taglia d'exemziun dal servetsch militar.

Ils ultims onns sajan mintgamai pliras milli persunas vegnidas relaschadas or dal servetsch militar, senza ch’ellas avevan ademplì lur dis da servetsch. Il 2015 eran quai radund 2’500 persunas, il 2012 perfin passa 5’000.

Taglia supplementara sco mesira

Da nov duain questas persunas stuair pajar ina taglia supplementara, sch’i manca ad ellas pli che 15 dis dal servetsch militar u 25 dis dal servetsch civil. Sco il Cussegl federal scriva, vul el cun questa midada promover l’egualitad sco era dar in impuls da propi era far tut ils dis da militar. El quinta cun entradas supplementaras da 6 milliuns francs.

RR novitads 15:00