Siglir tar il cuntegn
Inhalt

Svizra Differenzas da paja tranter um e dunna sa reduceschan mo plaunet

Las discrepanzas da pajas tranter um e dunna en l'economia privata van pass per pass enavos. Quai scriva il departament federal per statistica. Il 2008 eran las differenzas tar 25,5%, il 2012 era la differenza tar stgars 21%.

dunna anonimisada studegia ses scrit da paja
Legenda: En la branscha d'assicuranzas è la differenza da paja tranter um e dunna la pli gronda. Colourbox

L'inegualitad da paja sa laschia per part declerar cun facturs structurals sco per exempel il stan da scolaziun, il dumber d'onns da servetsch u en la funcziun da cader entaifer l'interpresas, uschai scrivan ils statistichers da la Confederaziun. Tuttina restian 40,9% da las differenzas da paja che sa laschian betg declerar. En spezial saja da constattar che la differenza vegn pli gronda, pli auta che la funcziun da cader è.

Grondas differenzas en las diversas branschas

Tenor l'evaluaziun da las pajas datti era grondas differenzas da las pajas tranter um e dunna en las diversas branschas. En la gastronomia è la differenza tar 11%, en l'industria chemica tar 14,1%, en il commerzi da detagl 19,5% e tar las assicuranzas è la differenza tar 34%.

Pli pitschna è la differenza en il sectur public, là era la differenza il 2012 en media tar 16,5%.

RR novitads 10:00