Grevs crims na dastgian betg restar senza consequenzas e quai independent tgi che haja commess tals, scriva il Departament federal per affars exteriurs. Berna appelleschia a tut las partidas da conflict da betg duvrar armas chemicas. Plinavant hajan tuts da sa tegnair vi dal dretg umanitar, scriva il departament vinavant.
La Svizra sa participeschia activamain vi dal scleriment da numerus cas. Quai cun l'analisa da provas or da la Siria en il labor a Spiez. Plinavant sustegn la svizra diversas missiuns da las Naziuns Unidas sco er da l'Organisaziun per il scumond dad armas chemicas.
Avant ha fatg naufragi en il Cussegl da segirtad da l'ONU in sboz per ina resoluziun che pretenda medemamain l'inquisiziun da quest'attatga. Il naufragi hai dà pervi dal veto da la Russia. Inoltrà la resoluziun avevan ils Stadis Unids, la Gronda Britannia e la Frantscha.
RR novitads 06:00
