Siglir tar il cuntegn

Header

cuntegn

Svizra 'Die Launen des Tages' – il nov cudesch d'Arno Camenisch

Viadis e sentupadas, desideris e fantasias: Arno Camenisch lascha cuntinuar sias istorgias curtas.

Scriver columnas è per Arno Camenisch ina furma da scriver che plascha. Il plaz è limità ed a la fin sto l'istorgia esser a la fin. Suenter 'Nächster Halt Verlangen' è ses novissim cudesch cun istorgias curtas cumparì 'Die Launen des Tages'.

L’autur da success raquinta en quellas da ses viadis, da situaziuns nunspetgadas, da vieutas che la vita po prender, ma er da brama ed amur. Las istorgias partan da muments dal mintgadi e sa sviluppan savens en ina direcziun nua ch’ins na sa betg pli sche tut è vair u mo pli fantasia.

audio
Bunura: Il nov cudesch dad Arno Camenisch 'Die Launen des Tages'
ord Actualitad dals 19.08.2016.
laschar ir. Durada: 4 minutas 59 Secundas.

Esther Krättli, nossa redactura da litteratura, ha era legì la novissima ovra dal shootingstar da la litteratura svizra e dat in schatg da quai che spetga il lectur. Ed ella fa era inqual patratg sur dal svilup, il stil da scriver da l'autur. Istorgias che naschan or dal plaschair dad Arno Camenisch da raquintar. Partì da Tavanasa, conquista el il mund litterar in pau dapertut. Ses texts dentant translatads en numerus linguatgs.

RR actualitad 08:00

Artitgels legids il pli savens