Siglir tar il cuntegn

Header

cuntegn

Svizra Didier Castella è il nov cusseglier da citad a Friburg

Il politicher da la Partida liberaldemocratica Didier Castella è sa mess tras cunter la candidata da la Partida socialdemocrata Valérie Piller en il segund scrutini.

En il segund scrutini han 32'448 votants dal chantun Friburg dà la vusch al candidat da la Partida liberaldemocratica (PLD) Didier Castella. Sia concurrenta da la Partida socialdemocrata (PS) ha obtegnì 25'446 vuschs. Cun radund 7'000 vuschs dapli daventa Castella damai il nov cusseglier da la citad. El entra il matg 2018 en uffizi.

L'emprim scrutini era stà ils 4 da mars. Gia là aveva Castella fatg las pli bleras vuschs – la maioritad absoluta mancava dentant.

Nova constellaziun

Sia victoria mida la constellaziun da la regenza chantunala. Uss fan tschintg politichers burgais e dus commembers da la PS part dal gremi. Enfin uss era il setavel sez occupà d'in politicher dals verds. Ed er la repartiziun dals sez sin ils geners sa mida: da nov sesa mo pli ina dunna en la regenza dal chantun Friburg. Castella remplazza Marie Garnier.

RR novitads 14:00

Artitgels legids il pli savens