Il president da la Confederaziun Johann Schneider-Ammann sco er la Cussegliera federala e manadra dal Departament da traffic, Doris Leuthard han tegnì pleds d’avertura davant ils dus portals dal tunnel. Schneider-Ammann al portal dal nord a Rynächt e Leuthard al portal dal sid a Pollegio.
Colliar las regiuns
Grazia al tunnel sajan las regiuns da la Svizra tudestga e dal Tessin uss pli datiers ina da l’autra, ma er l’Europa dal Nord e l’Europa dal Sid. Uschia saja l’ovra ina cumpart da la Svizra per rinforzar l’UE, ha ditg Leuthard. Ella speria ch’era tut l’aspect tecnic funcziunia uss, ha ditg Leuthard.