Ils sindicats mettan surtut en il center temas sco lavur, pajas, rentas e l'egualitad. L'avegnir duaja daventar pli gist per ils lavurers. Uschia hai num en ina communicaziun da l'Uniun sindicala svizra.
En quest connex fa ella er reclama per la refumra da la «prevenziun da vegliadetgna 2020». La fatschenta che va en votaziun ils 24 da settember na portia betg mo reducziuns mabain er svilup sozial.
Sommaruga visita lavurants sin in plazzal a Sion
Durant sia visita ha cussegliera federala Simonetta Sommaruga discurrì cun lavurers da differentas spartas da la construcziun ch'èn vi da lavurar sin il Campus Energypolis a Sion. Discurrì è vegnì da l'attractivitad da las plazzas en la branscha da construcziun per giuvenils, las cundiziuns da lavurar u da la collavuraziun dal lavurers che derivan da differentas culturas.
Temas centrals per la branscha da construcziun èn l'immigraziun sco era l'utilisaziun optimala da dal potenzial da lavurers indigens. En Svizra èn bunamain dus terzs dals lavurers en la branscha da construcziun da l'exteriur. Dentant è la quota da dischoccuppaziun en questa branscha pli auta (5,7% l'onn 2015) che la media da tuttas branschas (3,2%). Uschia è la cussegliera federala era s'interessada per las pussibilitads che lavurers da l'exteriur han per far curs da lingua u curs da scolaziun cumplementara a la professiun, per ch'els possian vegnir integrads en il martgà da lavur a lunga vista.
Di da la lavur
Il prim da matg è il di da la lavur. En otg chantuns en Svizra munta quai in di liber. En ils auters è l'emprim da matg in normal di da lavur.
RR novitasd 12:00