Siglir tar il cuntegn
Inhalt

Svizra Di da la biera svizzer - La biera ha ina lunga lunga istorgia

Tablas da scrittira mussan: Ils emprims mussaments ch’igl è vegnì fatg biera èn bun 6000 onns vegls. Il pievel dals Sumers sin il continent da l’Asia è sta qua il pli spert.

In um lascha ora ina biera en in glas.
Legenda: "Happy" Herbert Max Wesner è sommelier da biera. RTR, G.C. Candinas

L’entira chaussa è plitost stada casualitad. Pasta da paun era stada enturn e pli tard ha pasta alura cumenzà a fermentar. Il far biera era da lez temp ina chaussa da la dunna, sco tut quai ch’aveva da far cun cuschinar.

Ina chaussa dals umens

La biera è vegnida fatga da dunnas fin en il temp medieval. Paders da claustras en l’Europa centrala tschertgavan ina bavronda nutritiva ch’ins saveva baiver durant il temp da Curaisma. Uschia han il paders cumenzà a far biera.

A l’entschatta era il far biera in chaussa da las dunnas. Ozendi è la producziun da biera dentant claramain en ils mauns dals umens.

Sommelier da biera

Nus enconuschain tuts il sommelier da vin. Dapi paucs onns datti en Svizra dentant era pli e pli savens sommeliers da biera. Per exempel Herbert Max Wesner da Cuira, Happy, sco el vegn numnà dad in e scadin. Bleras differenzas tranter il sommelier da vin e quel da biera dettia na betg, di lustier da 53 onns. Ma ina differenza evidenta è quella ch’il sommelier da biera tragutta adina il sitg.