Siglir tar il cuntegn

Header

Navigaziun

purtret da Manuel Sager
Legenda: Manuel Sager, il schef da la DEZA. Keystone
cuntegn

Svizra DEZA tira consequenzas

La DEZA, la Direcziun da svilup e da collavuraziun, na s'engascha betg pli en intgins pajais sch'il parlament stritga daners per l'agid al svilup. Quai ha ditg il schef da la DEZA Manual Sager en in'intervista cun la gasetta Neue Zürcher Zeitung.

La cumissiun da finanzas dal Cussegl naziunal aveva proponì da budgetar per ils proxims 4 onns en tut 9,6 milliardas francs per la collavuraziun internaziunala. Il Cussegl federal aveva dumandà 11,1 milliardas francs. Decis n'è anc nagut. L'emprim ston anc il Cussegl naziunal e dals chantuns sa fatschentar cun quest project.

En cas ch'i dat las scursaniziuns fissia quai ina ferma cesura, ha ditg Sager. Lura stuessia la Direcziun da svilup e da collavuraziun era scursanir las contribuziuns a partenaris internaziunals ed i pudess er dar relaschadas. Vitiers quenta Sager cun problems da reputaziun. «I chaschunass dumondas en l'exteriur davart nossa solidaritad», uschia Sager.

RR novitads 06:00