Ils detaglists svizzers èn cuntents cun las fatschentas da Nadal. Impurtanta saja dentant uss anc la davosa emna da l'onn. La Migros ha cunzunt profità da l'enviern ch'è arrivà baud, sco ina retschertga da l'agentura da novitads sda mussa. La vendita da rauba da sport saja stada fitg buna e las butias ch'èn stadas avertas la vigilgia da Nadal, hajan era lavurà fitg bain.
Coop ha cunzunt fatg la sonda avant Nadal affars sco bunamain anc mai. Tschertgads sajan stads quest onn pullovers da caschmir, termagls da Lego ed er artitgels classics da stagiun sco per exempel decoraziun da Nadal. E tar Manor ha l'emna avant Nadal purtà in meglier resultat che l'onn avant. Manor ha surtut vendì blers artitgels da bischutaria, multimedia, parfumaria e termagls.
RR novitads 16:00