Siglir tar il cuntegn

Svizra Detaglists èn cuntents cun vendita da fieu artifizial

Ils gronds detaglists en Svizra èn cuntent cun la vendita da fieu artifizial per la midada da l'onn. Tenor il pledader da Coop ha il concern vendì quest onn intgins pertschient dapli fieus artifizials ch'avant in onn. Era la Migros sa mussa cuntenta.

Il pli savens vegn cumprà rachetas e vulcans.
Legenda: Il pli savens vegn cumprà rachetas e vulcans. Keystone

Il pli savens vegn cumprà vulcans e rachetas u battarias da fieu artifizial. Suenter ch'igl è stà scumandà en blers lieus da laschar ir rachetas per la festa da l'emprim d'avust, cumpran blers ussa fieu artifizial per festivar Silvester. Entant vala era per Silvester en insaquants lieus in scumond da far fieu en il liber.

Dentant da far adatg

Cunquai ch'i manca anc per gronda part la naiv èsi dentant da far adatg cun far fieu en il liber. En il Tessin e parts dal Grischun vala in scumond absolut da far fieu. Singulas vischnancas fan attent da resguardar il privel d'incendis da guaud cura ch'ins envida fieu artifizial.

RR novitads 12:00