Siglir tar il cuntegn
Inhalt

Svizra Deputada Tessinaisa è sentenziada

Ella haja cuntrafatg a la lescha d'esters perquai ch'ella haja gidà l'onn passà tranter avust e settember a nov persunas d'entrar la Svizra illegalmain.

Purtret dals mauns da la dunna sentenziada.
Legenda: La dunna è vegnida sentenziada ad in chasti da daners. Keystone

La dunna sto pajar in chasti cundiziunà da daners e plinavant sto ella surprender sezza ils custs per la dretgira e las investigaziuns, communitgescha la procura publica tessinaisa.

La dunna e ses cumplizi èn vegnids arrestads l'emprim da settember dal corp da guardias da cunfin. La dunna aveva beneventà quatter africans minorens al cunfin. Suenter èn els vegnids transportads cun in camiun dad in Bernais sin terren svizzer.

Il favrer aveva la medema dunna survegnì per ses engaschi il premi «Alpes ouvertes». L’organisaziun d’agid per fugitivs fundada da la dunna haja gidà als fugitivs a Como, aveva la giuria argumentà la decisiun.

RR novitads 15:00