Siglir tar il cuntegn
Inhalt

Svizra Denunzias pervi da victualias illegalas crescha

Entaifer in onn han dretgiras svizras denunzià var 900 cas. Ina part pertutga victualias che pericliteschan la sanadad dals consuments.

Plat cun verdura e charn.
Legenda: Verdura che periclitescha la sanadad: Il 2015 è vegnì fatg denunzia en 23 cas. Colourbox

En Svizra crescha il dumber da las denunzias penalas pervi da victualias illegalas: Victualias decleradas fauss, talas che cuntrafan a las prescripziuns d'igiena, victualias che pericliteschan la sanadad dals consuments. Quai scriva la NZZ da la dumengia sa referind a statisticas da la confederaziun:

Legums e products finids

Il dumber da denunzias crescha onn per onn. Da 727 cas il 2013 è quel s’augmentà il 2015 sin 892 cas. Quai munta in augment da 20% aifer trais onns. La gronda part da las denunzias pertutgan legums e products finids.

85 cas han periclità la sanadad dals consuments

En prima lingia pertutga quai verdura (23) e products finids (14), dentant era charn, pesch, pasta, fritga e nutriment da pops. En butias e restaurants da la Svizra chatt’ins adina puspè charn che periclitescha la sanadad u charn ch’è declerada fauss. Il davos cas ch’è vegnì enconuschent pertutgava ina partiziun da victualias d’in grond negozi. Là han ins vendì charn scadida sco charn normala era era charn da bio.

RR novitads 09:00