Siglir tar il cuntegn

Header

cuntegn

Svizra Denner fa bunamain 3 milliardas svieuta

Il detaglist Denner ha nudà 0,3 per tschient dapli svieuta l’onn passà. En tut ha il detaglist vendì rauba per ina summa da 2,9 milliardas francs. Il carschen real munta a 1,9 per tschient, scriva Denner.

En tut ha il detaglist stizuns en radund 800 lieus en Svizra, quai èn 488 atgnas filialas e 292 Denner satellits. En vista al dumber da filialas resta Denner il segund grond detaglist en Svizra.

Stgaffì 280 plazzas novas

Las stentas da modernisaziun èn stadas fritgaivlas. L’onn passà ha Denner introducì in nov Logo e surlavurà il sortiment. 180 filialas ha il detaglist renovà il 2015; ensemen cun il 2014 sa preschentan 300 filialas en in nov vestgì.

La fermezza dal franc n’ha para betg tutgà Denner uschè fitg sco il rest da l’economia: sco l’interpresa communitgescha, ha ella stgaffì l’onn passà 280 novas plazzas da lavur.

RR novitads 08:00

Artitgels legids il pli savens