Ils demonstrants a Bienna sa dostan cunter la narradad da planisaziun. Pervi dal trassé stuessan 100 chasas e bunamain 750 plantas svanir.
Marsch paschaivel
Ils demonstrants han cumenzà la demonstraziun sin il plaz Robert-Walser ed èn lura ids vinavant fin en il center da la citad avant la chasa da congress. Là ha lura gì lieu la «festa finala da la demonstraziun». Il marsch da protest lubì è stà paschaivel.
Cun il sviament da Bienna duai vegnir serrada ina da las ultimas largias en la rait da las vias naziunalas. Il sviament ost da Bienna è gia construì e vegn surdà la fin d'october al traffic.
Adversaris vulan project redimensiunà
Ils adversaris vulevan in project redimensiunà. Ils custs per questa etappa da l'autostrada vegn calculà cun 2,2 milliardas francs. La grond part da quest etappa duai vegnir construida sutterran. Ils adversaris teman empè damain traffic - dapli traffic. Colonnas dal traffic na possian ins betg impedir.
RR novitads 18:00