Tenor la polizia eran il glindesdi damaun tranter 80 e 100 demonstrants invadids en in negozi che vegn per il mument renovà. La raschun concreta per la demonstraziun n'era per entant betg enconuschenta a la polizia.
Cura che la polizia è vegnida al lieu han radund 30 persunas bittà buttiglias encunter els. Per chatschar enavos ils demonstrants ha la polizia fatg diever da chanuns d'aua ed ha arrestà pliras persunas. Il cas è ussa tar la procura publica.
RR novitads 14:00